(၂၁) ရာစု ဒုက္ခသည်များ

….
ငါတို့အခါခါပြိုလဲခဲ့ပြီးပြီ

နာကြည်းငိုကြွေးသံတစ်ချို့
ငါတို့အပါးမှဖြတ်သန်းသွားခဲ့သည်။

ဥာဉ့်အမှောင်ထုအောက်တွင်
မျက်ကန်းတွေအလား
စမ်းတ၀ါးဝါးနှင့်
အလင်း၏အရသာကို
ငါတို့မွတ်သိပ်ခဲ့သည်။

ငါတို့အပါးမှလေသည်
ခြွေးနံ့၊ သွေးငြှီနံ့ တွေနှင့်
ငါတို့၏ခန္ဓာအား
တစ်စတစ်စ တိုက်စားလာနေပြီ။

ငတ်မွတ် ခေါင်းပါးမှုတွေနှင့်
ပြည့်ကျပ်နေသော
ဤကမ္ဘာတွင်
ငါတို့အခါခါပြိုလဲခဲ့ပြီးပြီ

နေမင်းသည် အနောက်အရပ်မှထွက်ပြု
အရှေ့အရပ်သို့ယွန်းမှသာ
ငါတို့ ပြုံးရယ်နိုင်လိမ့်မည် ထင်သည်။

မိုးကြယ်