မျှော်လင့်ခြင်း (သို့) စိတ်ကူးအိပ်မက်

ရင်ခုန်သံတွေရွေ့နေတယ်
ကြယ်တာရာ အတုအယောင်တွေကြား
ရနံ့မဲ့ သံစဉ်တစ်ချို့နဲ့အတူ
အခိုးအငွေ့ တစ်ခုအလား
ငါ…မျောလွင့်နေခဲ့။

နရီရဲ့လက်တွေနဲ့
ငါ့မနက်ဖြန်တွေကိုချိုးဖဲ့
အဖြူရောင်အတောင်ပံတွေကိုဖြန့်လို့
မိုးကောင်းကင်ဆီ
ငါ..ပြေးတက်ခဲ့တယ်။

ပန်းသီးတစ်လုံးလို
မချိုမြိန်နိုင်သေးတဲ့
ပြက္ခဒိန်ရက်စွဲတွေကိုခွာချ
ငါ့…ညနေရီတောင်
အပြာရောင်စကားလုံးတစ်ချို့
အန်ချခဲ့ပြီ။

မသိစိတ်ကနေ
ခွဲခွာလာတဲ့
အရောင်အဆင်းမဲ့ကဗျာတစ်ပုဒ်
ငါဖန်တီးရင်း
အတိတ်ဆီပြန်ဖို့
လှေတစ်စင်း
ငါ…ထွင်းထုခဲ့ပြီးပြီ။ ။

မိုးကြယ်